برجك اليوم : التوقعات الفلكية ليوم الاثنين 15 ابريل 2024

برجك اليوم مع الفلكي منيب الشيخ.

♈ توقعات برج الحمل

عم تشغلك امور بيتك واهلك وعيلتك وفي تغيير مكان متوقع او قصة عقار او مكان شغل جديد

او منصب او ترقية للبعض او سفر وكمان في عندك امور بتخص المال ومبالغ ولازم تعرف تتعامل مع الوضع

عاطفيا .. فكر صح ولا تتسرع وحاول تكون بعيد عن المشاكل وبدي منك تهدي مع الشريك وحاول دايما تروق

♉ توقعات برج الثور

ممكن هاليوم تبلش شغل جديد بالاعلام او بالسوشل ميديا او يمكن شاغلك موضوع مع اخ او جار

او بقصة سيارة او موبايل ويومك منيح لتتواصل وتتحرك وكمان انتبه من الحوادث ومن الاعطال

عاطفيا .. عم يكون في كتير تواصل معك والعلاقات حلوة عندك لكن خليها بعيد عن الناس

♊ توقعات برج الجوزاء

عندك هاليوم مكاسب مالية ممكن تجيك او شخص او صديق يساعدك ويمكن حوالة وعم تعمل عزيمة

او يكون عندك سهرة او زيارة لمطعم ولازم هاليوم تراقب وزنك واكلك وفي شي عم يخليك تتكاسل

عاطفيا .. هاليوم في كتير اشخاص معك وفي علاقات مهمة وحلوة ورغم كل شي عم يكون يومك حلو

♋ توقعات برج السرطان

عندك ترقية او منصب او شي مهم او قصة مع المسؤولين واستغل يومك لأن عم تنجح فيه باختبار او امتحان

او قصة على مستوى ويمكن في شهرة للبعض والكل عم يراقبك وعم تبلش مشروع خاص فيك

عاطفيا .. اطمن عندك تواصل افضل والاجواء داعمة وممكن يحكيك شخص مشهور ويومك عم يكون حلو ونظرات اعجاب

♌ توقعات برج الأسد

ضايج شوي من امور فيها تأجيل باوراق وقصص دراسية وكمان امور بتخص سفر وانتبه من الحوادث

والمشاكل ولصحتك وعم تحس انو كل شي عم يخرب ويمكن عم تساعد شخص وتبلش وظيفة جديدة منك

عاطفيا .. يوم بتحس فيه بوحدة وبدي تفكر كيف تريح راسك قبل قلبك ولا تكبر القصص وبعد عن المواجهات

♍ توقعات برج العذراء

عم يكون عندك لمة ناس واصدقاء عم تساعدك بتحقيق هدف او امنية ناطرها من زمان وعندك علاقات حلوة

وعم ترجع الاجواء مع كتير اصدقاء وناس غاليين عليك وفي سهرة وعزيمة وشهرة كمان

عاطفيا .. استغل يومك واطمن لانك رغم التوتر الا انو حضورك مميز ويومك جيد وحاول تحسن علاقاتك

♎ توقعات برج الميزان

ضايج عم تكون وحاسس انو الامور ماعم تمشي تمام معك وفي عندك شغل او تعامل مع ناس مهمة ومسؤولة

وخليك دبلماسي وانتبه من حكي الناس عليك وماتخالف القوانين وفي اشخاص عم تستفزك كمان

عاطفيا .. مدايق من الكل ويبدو انو مشغول بالك بقصة وعم يكون وضعك العاطفي متقلب ولازم تهدي بعلاقاتك

♏ توقعات برج العقرب

من الايام يلي فيها علاقات جديدة وتواصل بعيد وقصة سفر او معارف جديدة وامور دراسية بتنجح فيها وعم تبلش

رياضة يمكن والوضع بشكل عام جيد وعندك علاقات حلوة وحاول تخلص كل شي بوقتو..

عاطفيا .. عندك حب جديد والوضع لصالحك هاليوم وحلوة عاطفتك واطمن هاليوم انت افضل

♐ توقعات برج القوس

عم تصالح شخص وتكون افضل وفي مبلغ مالي ممكن يجيك وبتحل قضية او قصة اوراق شاغلتك

وعم يكون الوضع مستقر نسبيا بعد ایام صعبة واطمن بلشت اوضاعك تتحسن وفي علاج المرض كمان …

عاطفيا .. تحسن كبير وفي رومنسية واجواء حلوة والعاطفة عم ترجع تمام واطمن عندك حب كبير ويومك جيد

♑ توقعات برج الجدي 

كتير توتر عندك من امور مع المقربين بالشغل ويمكن تغيير مكان ماعم يريحك او وضع الاهل شاغلك

ومشاكل وقصص عائلية وحاول لاتدايق حالك ولا تكبر المشاكل لان مو ناقصك ويمكن مشغول بالك على حدا

عاطفيا .. ضايج والشريك زاعجك وعم تحس بقلق ومو مرتاح وفي كتير ضغط بالشراكات العاطفية ولازم تهدي

♒ توقعات برج الدلو

عندك بداية شغل جديد بهاليوم ولازم ترتب كل شي لان التزاماتك عم تزيد ويمكن شي اعلامي او بمجال

السوشل ميديا وعم يكون عندك امور صحية وعم تتحرك بكل الاتجاهات وماعم تفضى تحك راسك

عاطفيا .. مو كتير مرتاح وعم يكون عندك علاقات ممكن تدعمك لكن ماكتير عم تكون فاضي للشريك هاليوم

♓ توقعات برج الحوت

عندك ناس غالية عن تقابلها ويوم في مبلغ ممكن يجيك او مكسب حلو ويمكن حدا يعزمك او يعطيك هدية

وبعدك بوضع جيد وتقرب من كتير ناس ويومك حلو ورح تقضي وقت حلو مع العيلة وفي قصة طفل

عاطفيا .. في حب و الوضع لصالحك وغالبا في رومنسية وحب وانت افضل مشان هيك بدي منك تستغل يومك وحبك

للاستماع الى برجك اليوم واغنيته المخصصة لليوم واهم توقعاته اضغط على الرابط التالي:

راديو وبودكاست استجواب