برجك اليوم : التوقعات الفلكية ليوم الاربعاء 8 مايو 2024
برجك اليوم مع الفلكي منيب الشيخ.
♈ توقعات برج الحمل
هاليوم عم تكون فيه مشغول بامور مالية بين دفع وقبض ونفقات عندك ولازم تضب ايدك
وانتبه وعم يكون عندك عزيمة اكل بمطعم يمكن وفي كمان هاليوم احساس انك بس بدك تنام وتاكل وراقب وزنك ..
عاطفيا ..بدك الشريك يدللك ولازم تعرف تخلي حبك مستقر وفي اجواء رومنسية وبدك الشريك يضل قريب منك بهيك يوم..
♉ توقعات برج الثور
كل شي عم يكون افضل ومن الايام يلي عم تستعيد فيها كل الطاقة والحظ والكل يعرف مكانتك ووضعك افضل بكتير
لتنهي مرحلة صعبة و بلشت ترتاح وتغير بحياتك وتفكر بقصص جديدة تدعمك ..
عاطفيا ..في فرصة ارتباط ووضعك منيح وممكن تجيك هاليوم هدايا واطمن لأن الوضع العاطفي عندك بيتحسن بشكل كبير ..
♊ توقعات برج الجوزاء
انتبه هاليوم وماتتسرّع باي شي جديد وماتثق كمان لان في احتمال كبير انو كل شي يتأجل عندك
وحاول تبعد عن السلبية والاشخاص يلي ممكن تتآمر عليك وساعد الناس يلي بحاجتك وانتبه لصحتك ومن مشفى ..
عاطفيا ..تعبان ومو مرتاح وعم تحس بالوحدة وماتنطر من حدا اهتمام وحاول تبعد عن الشريك اذا تاعبك ..
♋ توقعات برج السرطان
من الايام يلي فيها باب للشهرة والاضواء والوصول وعندك مناسبة بتكون فيها نجم او عزيمة مع اصدقاء الك وفي تحقيق لامنية
بمساعدة شخص وكتير اشخاص حولك واطلب اي مساعدة بدك وغير بحياتك للافضل …
عاطفيا : عندك فرصة ارتباط وعم يكون وضعك مميز وفي علاقات وصداقة ممكن تتحول لحب عندك واستغل هالشي صح
♌ توقعات برج الأسد
يوم ممكن يكون عندك فيها منصب او ترقية بشغلك اوتواصل مع ناس مسؤولة ومهمة ويمكن امتحان او اختبار للبعض
وعم تحس انك ضايج شوي وعندك ضغط او قصة بتخص الأب او حكي نام عليك فانتبه ..
عاطفياً.. عم يكون في عليك عيون لكن في مشاكل عم تكبروالشريك زاعجك ولازم تحددخياراتك وبتحكي شخص مهم ..
♍ توقعات برج العذراء
عندك سفر وتواصل بعيد وحوالة مالية او دعم من شخص بعيد الك وعم يكون من الايام يلي
فيها صداقات وعلاقات جديدة وشي دراسي واوراق وعم تتحرر نسبيا ومن الأيام الجيدة الك والامور لصالحك وعم تنجح ..
عاطفيا : هاليوم في حب عم يكبر وفي ناس جديدة واطمن عندك الحظ والحضور وعم يكون الوضع منيح وعندك بدايات .
♎ توقعات برج الميزان
عم تتحسن امورك باتجاه حلول ومال من شراكة او ميراث او حسم بقضايا وبتقدر هاليوم تحل
شوية مشاكل وتصالح!اشخاص وعم تبلش تغيربحياتك وتعمل تصفية لبعض الأشخاص وفي علاج لمرض كمان ..
عاطفيا .. في رومنسية ووضعك عم يتغير وعم تاخد قرار بعلاقاتك وممكن مصالحة والوضع العاطفي افضل” .
♏ توقعات برج العقرب
فكر هاليوم بشراكة شغل أو عقد أو اتفاق مع شخص وعزز شراكات صح مع اشخاص بتستفيد منن وانتبه من العصبية
وهدي وعم تدخل مواجهات مع اشخاص زاعجتك ويمكن تبلش شغل بشركة كمان ..
عاطفيا.. هدي ولا تكبر المشاكل وانتبه لان الوضع العاطفي حساس كتير هاليوم وممكن ارتباط للبعض ..
♐ توقعات برج القوس
بداية شغل جديد والتزامات عم تزيد ولازم يكون في حمية وريجيم كمان عندك ورياضة لان افضل وقت
ورتب وضعك صح ويمكن عم تعالج شي صحي وماتهمل الامور الضرورية وانتبه بدراستك ..
عاطفيا :. حاسس بتعب وبدك الشريك يقدر وضعك لانك مو مرتاح وعندك ضغط كبير وماعم تلاقي وقت كافي للحب ..
♑ توقعات برج الجدي
كتير عم يكون حظك مرتفع بهيك يوم وفي ناس كتير بترجعلك او بتتواصل معك وكيف ماضربتها بتكسب هاليوم
وفي قصة طفل او ابن او انجاب بتفرحك وكمان عندك مبالغ واوقات حلوة وسهرة غير شكل ..
عاطفياً..في حب بيرجع واطمن في رومنسية وانت بوضع أفضل وعم يكون عندك حب كبيروفرصة خطبة ..
♒ توقعات برج الدلو
عم تغير مكان سكن او مكان شغل او في منزل جديد عندك او منصب او .ترقية بشغلك وشاغلك وضع حدا من اهلك
ويمكن هاليوم تقضية بمكان غير أو تزور عندشخص وانتبه لوضعك بالبيت وبامورك العقارية .
عاطفيا ..هدي لان ماعم تكون رايق و يبدو انو مشاكل بيتك عم تأثر على حبك ولازم تهدي الوضع وتفصل عن حبك ..
♓ توقعات برج الحوت
عندك شغل اعلامي او بالسوشل ميديا ونجاح دراسي بهيك يوم وعم تكون نشيط هاليوم وفي
اخبار حلوة بتخص اخ او جار وقصة مع حدا مقرب صغيرعندك وكمان سيارة او موبايل ولازم تنتبه من الحوادث .
عاطفياً..اتصالات من أشخاص غالية وحب عم يكبر عبر الإنترنت عندك وفي علاقات واطمن يومك حلو
للاستماع الى برجك اليوم واغنيته المخصصة لليوم واهم توقعاته اضغط على الرابط التالي: