برجك اليوم : التوقعات الفلكية ليوم الاربعاء 05 يونيو 2024

برجك اليوم مع الفلكي منيب الشيخ.

♈ توقعات برج الحمل

كمان بهاليوم عم تحس بخمول وعندك تعاملات مالية ويمكن عم تبيع او تشتري سيارة او موبايل

وعم تطلع مع ناس على مطعم او فندق و عم يكون عندك قصص مالية وعم يكون عندك قصص مالية بين دفع وقبض ولازم تعرف تحسب صح .

عاطفيا .. فكر صح و تقرب من الشريك و استغل علاقتك و تعامل بهدوء معو وانت بحاجة اهتمام و حب .

♉ توقعات برج الثور

عم يتغير الوضع لصالحك بكتير امور وبيجيك خبر كنت ناطر تسمعه و في كتير ناس عم تدللك بهاليوم

و رح تلاقي حالك مع العيلة أو ببيت صديق وعم تتحسن اوضاعك بشكل كبير ويمكن عم تقدر تحل امور .

عاطفيا .. يوم في حب وعم تحس انو في مين يهتم و عندك شي حلو مشان هيك خليك ايجابي وبدي تفكر بحبك صح .

♊ توقعات برج الجوزاء

عندك بهاليوم يمكن سفر او تغيير او نهاية لقصة أو عم تفكر بشغل أو وظيفة وحاول ترتب يومك صح

وفي قصص شاغلتك صحية أو عائلية وبما انك مو مرتاح كتير وفي ناس عم تحاول تخرب عليك فخليك منتبه

عاطفيا .. ضايج وكمان مو رايق ويبدو انو في شوية مشاكل وعم تنزعج من تعامل الشريك معك وفي علاقة عم تكبر شوي شوي ..

♋ توقعات برج السرطان

عندك عزيمة وفي قصة مع الاصدقاء او بمناسبة او بسهرة ممكن تدايقك وفيك تطلب دعم شخص

بامور بدك تصير وانت تحت الأنظار وعندك شعبية وحضور وعم تحس انك بطاقة افضل وفي ناس وأصدقاء

عاطفيا .. عم يكون يومك جيد بشكل عام وعندك كاريزما وحضورك حلو بكون وبتقدر تكون صداقات جدية وتحولها لحب ..

♌ توقعات برج الأسد

عم يكون هاليوم كمان مهم وخاصة انو عندك شي مع المسؤولين او في شي بخص الأب اوأخ كبير

وفي اكل طيب وبنفس الوقت في قصة شغل وشهرة عند البعض ولاتغلط وركزبأي حركة الك كمان ..

عاطفيا .. عم يكون وضعك جيد وانت مسيطرعلى الاجواء لك 1ك عم تتكون عندك والعيون كتير عليك ..

♍ توقعات برج العذراء

‏عم تمشي باتجاه تغيير عندك وفي خبر حلو واتصال بعيد ودعم من شخص وفي كتير امور جديدة

وفي قصة خارجية وبتحس انك عم تتحرر من قيود وضغوط مع محيطك وكمان عم تخلص من اشخاص ..

عاطفيا… في حب وانت افضل وكتير ناس بتعجب بحضورك وطلتك هاليوم وانت بوضع جيد وقلبك عم يدق .

♎ توقعات برج الميزان

الوضع عم يمشي لصالحك بيوم تاني بيعطيك قدرة على الحل ويمكن عم تعالج مرض بخصك او بخص شخص مقرب وبتقدر تاخد قرار بعلاقاتك وتغير الكتير بحياتك وتصالح اشخاص وفي اوراق سفر ودراسة ..

عاطفيا… رغبتك قوية و اطمن لأن علاقاتك بتتحسن وحاول تضل مع الشخص يلي بريح قلبك

♏ توقعات برج العقرب

عم تفكر بشي مالي مشترك وعم تحس مو كل شي عم يمشي متل مابدك بسبب استفزاز

بعض الاشخاص وعم تضوج بسرعة وانت انتبه وهدي الوضع ولا تواجه أو تدخل مشكلة وممكن تتم شراكة بجهة تانية

عاطفيا .. الشريك لازم يهدي عليك و مو رايق كتير ويوم متقلب من جهة فرص ارتباط ومن جهة عم يزيد التوتر عند المرتبطين

♐ توقعات برج القوس

الأمور عم تكون عندك متعبة شوي وبدك مين يساعدك ويمكن في عقد شغل بشركة او مؤسسة

او مع اشخاص ورتب يومك واخلص من الامورالمتراكمة وعم تتعرض للملامة بسبب أمور أجلتها وفي شي صحي

عاطفياً ..هاليوم بدك معاملة خاصة وحاسس انك مو مرتاح وعم تكون بيوم طويل لازم الشريك يقدر تعبك وظروفك ..

♑ توقعات برج الجدي 

الوضع عم يمشي متل مابدك ورغم التعب لكن في شي يعوض هالفترة ومكاسب أو هدايا او ناس بتحبها

عم تحكيك وعم يكون في اوقات حلوة وعندك أجواء إيجابية ومتعة بالتعامل وعم تهتم بقصة طفل أو ابن

عاطفيا .. عم يكون في رومنسية ويومك حلو وجاذبيتك عالية وافضل الاوقات لتحسم قرار عاطفي وتقضي اوقات حلوة ..

♒ توقعات برج الدلو

عم يكون الوضع بالبيت حافل بهيك يوم او عن تلاقي حالك عن تنام أو تزور بغير بيت وفي تغيير او قصة مع حدا من عيلتك

وانتبه من المشاكل وخليك رايق مع المقربين وعم تفكر بعيلتك كتير وبعقار .

عاطفيا .. لا تضوج ولازم تهدي الوضع مع المقربين ويوم بحاجة رواق بالتعامل ليمر بخيربعلاقتك مع الشريك

♓ توقعات برج الحوت

الأمور عم تخليك اكتر نشاط وسفر وتنقلات بهيك يوم وعم تكون مع ناس كتير وفي قصة مع اخ عم تشغلك

وكمان عم يعطل عندك قصة لموبايلك وعم يكون تواصلك الافضل مع كتير اشخاص من حولك .

عاطفياً..عندك اتصال وعم تحكي الشريك واطمن عندك يوم حلو بلقاء عاطفي وماتسمح لحدا يائر عليك واسترجع حبك ..

للاستماع الى برجك اليوم واغنيته المخصصة لليوم واهم توقعاته اضغط على الرابط التالي:

راديو وبودكاست استجواب