برجك اليوم : التوقعات الفلكية ليوم السبت 24 فبراير 2024
برجك اليوم مع الفلكي منيب الشيخ.
♈ توقعات برج الحمل
استغل هيك يومك كمان لان في اوقات حلوة وناس وصداقات عم ترجع وفي امور بتخص ابن او طفل عندك
وبعدها حظوظك حلوة وعندك اخبار بتفرحك وعم تتلقى مساعدة من كتير اشخاص وسهرة ناطرتك حلوة
عاطفيا : اطمن عندك حضور ساحر ويوم رومنسية وانت افضل بكتير ويومك جيد
♉ توقعات برج الثور
عندك امور شاغلتك بالبيت وبتخص العيلة والاهل وفي أمور وتصليحات ببيتك وعم تكون قريب من عيلتك
هاليوم وغالبا في شي حلو ضمن البيت او يمكن عم تزور ببيت صديق او رفيق الك او في مناسبة
عاطفيا : هاليوم في حب لكن مع شخص مقرب وهاليوم خليك رايق لان في اشخاص ممكن تخرب عليه
♊ توقعات برج الجوزاء
عم يكون عندك بهيك يوم امور بتخص اخ كبير أو مع الجيران شاغلتك وفي سفر وتنقلات ولقاءات واتصالات
وانتشار عبر السوشل ميديا وماتخالف القوانين او تغلط لان مو لصالحك وانتبه من الحوادث
عاطفيا : هاليوم في علاقات و عم يكون يوم مميز وانت بوضع جيد لتحسن علاقتك بالشريك وتحكي اكثر ..
♋ توقعات برج السرطان
عم تنام كتير بهيك يوم ويمكن عم تتكاسل وبدك بس ترتاح ويمكن تنعزم بمطعم او فندق مع ناس جدد
او عم تطبخ او تعزم او تهتم ببطنك وعم يكون عندك مبالغ مالية واغلب تفكيرك بالمال وعم تدفع وتقبض
عاطفيا : يبدو بدك اهتمام اكبر لان في علاقات لكن لازم الشريك يعزمك لتحبو اكثر هاليوم او تسهر سهرة حلوة
♌ توقعات برج الأسد
عم يكون وضعك أفضل يوم بعد يوم وفي امور مشتركة مع ناس حولك وحل مشاكل بيتك والعيلة
وبتكون نهاية مرحلة صعبة وفي حسم بامورك وقرارات بتساعدك ترتاح وبتخلص من اشخاص كانت تاعبتك
عاطفيا : اطمن في تحسن كبير وعم يكون من الايام يلي بتحملك اجواء عاطفية افضل فاستغل يومك لتحل مشاكلك
♍ توقعات برج العذراء
عم تضوج من كتير امور وحاسس ماحدا عم يفهمك صح وبس هاليوم مرق الامور على خير
وماحدا عم يقدر تعبك ويمكن بدك تشارك شخص بشغل لكن قلق وفي ناس ماعم تصدق معك ويمكن تسافر كمان
عاطفيا : هاليوم طول بالك وهدي لان عندك تعب وماعم تكون مرتاح وعم تفكر تحسم او تنهي كل شي
♎ توقعات برج الميزان
من الايام يلي فيها كتير ناس ولمة مع الاصحاب والرفقة ويمكن مناسبة وعم تتعب بالتحضير الها
وانتبه ماتلحق وعم تتكون عندك علاقات جديدة ويمكن تحضر مباراة وحاول تطلع وتشوف الناس
عاطفيا : اطمن عندك اجواء حلوة عندك وفرصة الارتباط ممكنة وعم تتحسن العلاقات نسبيا
♏ توقعات برج العقرب
الوضع عندك هاليوم عم يشغلك بامور بتخص الأب يمكن وفي عندك تواصل مع ناس مهمة ومسؤولة
وحاول تتصرف صح وماتغلط او تخالف القوانين لان الانظار عليك وممكن عند البعض يكون تغيير مكان
عاطفيا : عم يكون عليك عيون ويوم مميز وعندك علاقات كتير مهمة ولازم تعرف تخلي علاقتك مستقرة وبدون مشاكل
♐ توقعات برج القوس
يومك في سفر وتغييرات ولقاءات وناس وامور مع العيلة والاخوة عم تحلها وعم تتحرر من ضغط
واشخاص وتتعلم شي جديد وفيك تغير بشكلك او حياتك كتير مناسب ولازم تحل مشاكل بيتك
عاطفيا : اطمن لأن عندك حضور حلو مشان هيك استغل يومك وفكر بعلاقتك صح وحاول تكون مع اشخاص جدد .
♑ توقعات برج الجدي
عم يكون في تحسن كمان هاليوم وخاصة انك عم تقدر تحل المشاكل شوي شوي وفي عزيمة
يمكن او صلحة وعم تلاقي انك قادر ترتب امورك افضل وعم تعالج نفسك من مرض وتكون اكتر حسم وقوة
عاطفيا : يوم في رومنسية ودلال وحلول وعم تكون افضل وفيك تحسم وضعك بالعلاقة وعندك شخص عم يرجع .
♒ توقعات برج الدلو
عم تعمل امور مشتركة مع اشخاص حولك او عم تشارك بعزيمة او مناسبة او بقصة مطعم
وعم تحس انك ضايج بدون سبب وخاصة اذا كنت عم تاكل كتير فانتبه لان زيادة الوزن بتضغط عليك بزيادة
عاطفيا : هاليوم ضايج شوي وعم يكون يومك صعب وعندك ضغط من الشريك ومو مرتاح لكن جمالك عم يزيد ..
♓ توقعات برج الحوت
عندك كتير قصص بيومك ولازم تنتبه لوضعك الصحي ومن تراكم الامور عليك كمان ويوم طويل وحافل
وبدو تعرف كيف تخلص في امورك بوقتها وعم شوفك هاليوم عم تتحرك باكتر من قصة وممكن رياضة
عاطفيا : في تواصل مع اشخاص وممكن تتحول علاقة زمالة لحب عندك وببالك كتير قصص والشريك لازم يقدر …
للاستماع الى برجك اليوم واغنيته المخصصة لليوم واهم توقعاته اضغط على الرابط التالي:
