برجك اليوم : التوقعات الفلكية ليوم الخميس 18 ابريل 2024

برجك اليوم مع الفلكي منيب الشيخ.

♈ توقعات برج الحمل

کمان هاليوم كتير جيد وفي كل الحظ والاخبار الحلوة وفي امور بتخص ابن او طفل عم تنبسط فيها

وعم تستفيد من هدايا وسهرة وكتير ناس عم تنجذب الك وبترتفع الحظوظ بشكل كبير عندك وبتحل مشاكل بيتك.

عاطفيا .. اطمن يومك حلو مشان هيك استغل علاقاتك لان يومك مميز وحاول تستقر بعواطفك على شخص يستاهلك

♉ توقعات برج الثور

كمان هاليوم عندك شوية التزامات وامور عائلية ومشاكل شاغلتك وانتبه مع المقربين منك وضايج شوي

وحاسس بدك تغير شي وعم تنشغل بامور بالبيت ومع الاهل والبعض ممكن يكون عندن تغيير مكان سكن وسفر

عاطفيا .. عم يأثر وضع البيت على حبك ومو رايق وعندك ضغط عليك مشان هيك حاول ماتكبر الأمور .

♊ توقعات برج الجوزاء

هاليوم كمان عم تنبسط فيه بامور مع اخوة وجيران وعندك قصة موبايل او سيارة ونشاط بالواقع

وعبر السوشل ميديا وعم تقدر تكسب محبة ودعم كتير اشخاص وتصل وتنجح وفي شي اعلامي

عاطفيا .. هاليوم عم يكون في اتصالات بتفرحك وعندك علاقات حلوة وارتاح من التفكير لتعيش اوقات رومنسية

♋ توقعات برج السرطان

عم تنام زيادة بهيك يوم وعم تنشغل بامور بتخص الأب او امور مالية شاغلتك بين دفع وقبض

ويمكن يجيك مبلغ وحاول تخفف من مصروفك وناطرتك عزيمة واكل طيب وزيارة مطعم وناس مهمة حولك

عاطفيا .. عم تلفت نظر و يبدو في ناس حولك وعم تفرض على حالك ومتوتر شوي فلا تكبر القصص

♌ توقعات برج الأسد

کمان هاليوم فرص السفر فيه كبيرة وعندك تغيير حلو بحياتك وخبر بريحك ودعم من شخص بعيد

او تواصل او مبلغ ويمكن تبلش رياضة وتتعلم شي جديد وتنجح وعندك علاقات جديدة هي الأفضل

عاطفيا .. عيش حبك وعم يكون في علاقات ومصالحات وخبر حلو عاطفيا ورغبة بالاستقرار مع شخص معين

♍ توقعات برج العذراء

بعدك هاليوم ماعم تحس امورك تمام وشاغلك امور صحية واشخاص مقربة منك وفي كمان شي مالي

وعم تحس انو في ناس عم تستغلك وفي مبالغ عم تتأخر عليك ويمكن خسارة شخص او مال

عاطفيا .. هاليوم هدي ولا تاخد قرار وعم تنهي قصة مع الشريك ومو مرتاح وعم توتر علاقتك بالشريك بدون اسباب

♎ توقعات برج الميزان

عم يكون الجو مناسب عندك لتطلع مع رفقاتك او يكون في عزيمة وناس كتير معك واستغل هاليوم لتقدر تستفيد من دعم الكل

وفي امور عم يساعدك فيها شخص او عم تشارك صديق بقصة وفي توتر مع صديق

عاطفيا .. في فرص ارتباط وعم يكون عندك كتير علاقات واجواء حلوة وممكن كتير صداقة تتحول لحب

♏ توقعات برج العقرب

عم يكون عندك كتير التزامات وقصص لازم تخلصها بوقتها ويمكن في امور مع الأب او أخ كبير شاغلتك

ولازم تنتبه من المشاكل مع المقربين وفي ناس ناطرتك على غلطة وتجنب اي مشكلة وحكي الناس عليك..

عاطفيا ضايج والشريك ماعم يريحك وانت خليك رايق لان في ناس معجبة فيك لكن مو مرتاح وعم تحس بضغط

♐ توقعات برج القوس

عندك مشوار او سفرة او قصة مع ناس بتحبها او فرحة بتخص حدا مقرب منك وهاليوم عم تعمل شي جديد

وفي شي خارجي وقصص عم يجيك منها مبالغ مالية وشخص بعيد بساعدك وكل شي لافضل

عاطفيا .. هاليوم اطمن في ناس جديدة وكمان اجواء حلوة وعلاقات كتير فاستغل عاطفتك لتصل لاي حدا بدك..

♑ توقعات برج الجدي 

عم تكون افضل يوم بعد يوم وفي امور مع العيلة عم تحلها او في قصص صحية للاهل وعم تصالح اشخاص

وحل المشاكل وارجع للناس يلي كان في خناق معها وفكر بحلول مالية وفي مبالغ عم تصرفها على البيت .

عاطفيا .. روق ولا تكبر الامور وحاول هاليوم تروق وتحل مشاكلك وتلاقي حب يريحك

♒ توقعات برج الدلو

عم يمرق عليك هاليوم بتوتر وبتحس انو أقرب الناس الك عم تعملك مشاكل ولازم تروق وعندك فرصة

هاليوم لتدخل شراكة مع شخص وانتبه من المشاكل العائلية ومع الأخوة كمان وفي اعطال وحوادث

عاطفيا مو رايق هاليوم بتكون ولازمك مين يفهمك ويعرف يتعامل معك صح وماتكبر المشاكل مع الشريك

♓ توقعات برج الحوت

الأمور عندك فيها شوية تعب وارهاق صحي ولازم تنتبه اكتر لاكلك ونظامك الغذائي وتفكر ببداية رياضة

وفي عندك امور مالية شاغلة بالك بهيك يوم وعم تفكر بحلول ويمكن عامل عزيمة وفي طبخ وتعب

عاطفيا .. لا تكبر الامور وخليك رايق وحاول تكون مع الشريك ويمكن الشغل يخليك ماتقدر تعيش عاطفتك صح

للاستماع الى برجك اليوم واغنيته المخصصة لليوم واهم توقعاته اضغط على الرابط التالي:

راديو وبودكاست استجواب