برجك اليوم : التوقعات الفلكية ليوم الاربعاء 1 مايو 2024
برجك اليوم مع الفلكي منيب الشيخ.
♈ توقعات برج الحمل
عم يكون من الايام يلي فيها امتحان أو قصة مهمة ولقاء ومسؤولين وأمور بتخص الأب صباحا
وبعد الضهر كتير أفضل بعلاقاتك بتكون وأجواء اجتماعية ويمكن عزيمة وسهرة حلوة مع الأصدقاء.
عاطفياً..انتبه وهدي ولا تتسرع وفكر بمين بيستاهلك وخاصة انو العيون عليك وأشخاص عم تحكيك ومعحبة فيك
♉ توقعات برج الثور
صباحا في خبر حلو من شخص بعيد وعندك قصة جديدة ونجاح دراسي ومهني ومعارف جدد
ويمكن سفر وبعد الضهر في قصة شغل وبتكون قادر تنجح وتثبت حالك وممكن قصة بتخص الأب بتشغلك .
عاطفياً..هاليوم حلو وفي علاقات جديدة وعندك يوم جيد بيحملك اتصالات حلوة من الغايبين بتسعدك بس المسا انتبه
♊ توقعات برج الجوزاء
عم تحس انك عم تعمل تصفية وتحسم أمور مالية وقصص أوراق وقضايا صباحاً وعم تعالج
مرض وفي شي بخص سفر ناطرك أو عندك أشخاص أو علاقات جديدة وانتبه من الحوادث والتأجيل
عاطفياً..يوم لافضل وفي تحسن وعم ترجع علاقتك بالشريك وكمان علاقات جديدة ويوم افضل بالعاطفة عندك
♋ توقعات برج السرطان
عم يكون عندك بداية يومك عقود واتفاقيات مع أشخاص أو مع شركات عم تشتغل عليها وخليك رواق
وبلا مشاكل وحساسية عالية وبعد الضهر أفضل بتكون وفي حلول وعلاج من مرض ويمكن عزيمة وصلحة عندك ..
عاطفياً…روق وبدون انفعال بنهارك لان بيتحسن وضعك المسا وبتزول المشاكل ورح تسمع خبر يريحك تدريجياً..
♌ توقعات برج الأسد
حاول تخلص كلشي بوقتو واهتم بشغلك الضروري صباحا وفي تراكمات وتعب وشي صحي
ولازم تعرف تتصرف وتحل مشاكلك والقضايا القانونية يلي عندك وفي مصالحات عندك
عاطفيا .. في تحسن مشان هيك اطمن وقادر ترجع علاقتك او تنهيها يعني يوم قرار باي علاقة
♍ توقعات برج العذراء
الوضع عم يكون لصالحك اذا بدك تشارك شخص او تدخل بشغل ضمن شركة او توقع اتفاقيات وعقود
لكن خليك هادي وبلا مشاكل وفكر صح وانهي اي شراكة قديمة متعبة وفي شي خارجي او مع شخص بعيد …
عاطفيا .. عم يكون يوم متقلب مشان هيك هدي مع الشريك وفكر بتعزيز العلاقه بدون مشاكل او خناق لانه مو لصالحك
♎ توقعات برج الميزان
عم يكون عندك اكتر من قصة والتزامات عم تزيد ويمكن تبلش حمية او ريجيم او تهتم بصحتك هاليوم
ويمكن عم تبلش شغل جديد وانتبه بامورك الدراسيه والمهنيه وخلص الضروري وكمان انتبهي لصحتك
عاطفيا .. تعبان ووضعك مانو مستقر ورغم انه في حب لكن الشريك لازم يقدر ظروفك لانه يوم بدك فيه اهتمام وحب
♏ توقعات برج العقرب
استغل يومك صح وعندك امور بتشغلك بتخص ابن او طفل او قصة مالية او مع اخ صغير وعم يكون عندك قصص حلوة
عم تعيشها وعم تكون مبدع ومن الايام يلي فيها كل الحظ بالمال ومبالغ ماليه
عاطفيا .. في شخص عم يرجع وعم يكون في فرص ارتباط وتحسن كبير بالعاطفه واجواء رومانسية
♐ توقعات برج القوس
شاغلك وضع عائلي او بخص الاهل والمقربين وانتبه من الاعطال بالبيت والامور يلي بتخص تغيير مکان
او سفر او شي صحي بخصك او بخص اهلك ويمكن مكان شغل جديد او منصب للبعض وعقار او بيع او شراء
عاطفيا .. ضايج وحاول تفصل بين وضعك العائلي وبين علاقاتك بالشريك اذا بدك ما تتاثر بهيك يوم
♑ توقعات برج الجدي
عم يكون عندك امور شاغلتك بتخص اخ او جار بهيك يوم وانتبه من اعطال الموبايل او سيارة ومن الحوادث
وعم يتحسن وضعك بشكل كبير علاقات لتواصل السوشل ميديا وكمان عندك شي رياضي واعلامي
عاطفيا .. اتصالات حلوة وعم يكون من الايام اللي فيها ناس كتير عم تحكيك وتعجب فيك ويوم جيد للحب
♒ توقعات برج الدلو
عم يكون في قصص مالية شاغلتك بهيك يوم وفي مبالغ عم تدفعها وانتبه من الخسارة وعم تدلل هاليوم
ويمكن تزور مطعم او فندق وكمان في شي بخص النوم والاكل وعم تتكاسل صباحا وراقب وزنك
عاطفيا .. بعدك عم تحل ووضعك جيد ولازم الشريك يتقرب منك بعزيمه او بطبخه لانه مفتاح قلبك اليوم هو بطنك
♓ توقعات برج الحوت
عم يكون عندك طاقة كبيرة وبدايات وحسم بكتير امور عندك وفي شغل او شراكة كمان وكل شي عم يكون تمام
وانت باكتر فترات الحظ وفي احداث ايجابيه على صعيد انو الناس تعرف قيمتك وتقدرك ترجع
عاطفيا .. تواصلك حلو والعيون عليك لانه الطاقه عندك وفي حب عم يبلش واشخاص وفرص ارتباط
للاستماع الى برجك اليوم واغنيته المخصصة لليوم واهم توقعاته اضغط على الرابط التالي:
