برجك اليوم : التوقعات الفلكية ليوم الجمعة 15 ديسمبر 2023
برجك اليوم مع الفلكي منيب الشيخ.
♈ توقعات برج الحمل
عم يكون يوم مهم لتثبت حالك ويمكن في اختبار أو قصة بالجامعة أو أمور مع مسؤولين شاغلة بالك
وانتبهلي لوضعك مع الأهل ولا تكبر المشاكل وحاول تعرف تستغل معارف جدد وفي قصة مالية شاغلتك .
عاطفياً: عليك عيون وعندك شوية قلق ومتوتر داخلياً لكن يبدو أنو عندك أشخاص جدد هالفترة .
♉ توقعات برج الثور
عم يكون في حوالة مالية أم عم تطلع أوراق سفر أو قصة مع شخص بعيد عن يدعمك ويساعدك فيها
انت وعم تخلص وتتحرر من أشخاص وضغط وعم تفتح أبواب جديدة وتغير بحياتك وشكلك هاليوم .
عاطفياً: اطمن وضعك تمام وفي علاقات جديدة وعم يكون يومك أفضل بكون وخاصة إنك فيك تحل مشاكلك .
♊ توقعات برج الجوزاء
عم تلاقي صيغة للتفاهم مع محيطك وفي أمور مالية مشتركة ماعم تريحك
ولازم تاخد قرارات مين لازم يضل معك ومين لازم تبعد عنو وفي أوراق وقصة محاكم وخسارة أشخاص ولازم تتصرف بهدوء وتصالحن.
عاطفياً: رغم كل شئ وضعك أفضل وعندك حلول بحبك ومصلحة مع الشريك وهالشي بيدعمك بأوقات رومانسية .
♋ توقعات برج السرطان
عم تضوج من كلشي وعليك ضغط كبير بين شغل وتعب وأمور صحية ونفسية وماحدا عم يقدر هالشي
وفي شراكة شغل جديد يمكن تبلش فيها وانتبه هاليوم من الضغط يلي عم يكون من المحيطين فيك .
عاطفياً: ضايج وحاسس إنك مو مرتاح وهاليوم ماعم تتحمل كلمة وهالشي بيتطلب منك تروق حتى ماتخرب علاقتك .
♌ توقعات برج الأسد
يوم جيد عم يكون الك وخاصة أنو في بداية شغل جديد أو قصة عم تنشغل فيها بابن أو طفل
والأمور والأمور بدها تنظيم وبنفس الوقت عم ترجع تقابل زملاء شغل ودراسة بعد غياب وقادر تخلص شغلك .
عاطفياً: بهاليوم مو كتير مرتاح وفي شوية تعب مشان هيك خليك واضح مع الشريك بظروفك واستغل يومك صح .
♍ توقعات برج العذراء
عندك أخبار حلوة ومكاسب ممكن تجيك وعم تحل مشاكل بيتك وعيلتك وفي قصة بتخص طفل أو ابن شاغلتك
ويمكن تبيع أو تشتري عقار بهيك يوم وعم تحس إنك أفضل وممكن يجيك مبلغ مالي بشكل مفاجئ.
عاطفياً : عم يكون عندك رومانسيه والحب كبير واطمن لأن أنت بوضع جيد وقادر تقلب الأمور لصالحك.
♎ توقعات برج الميزان
عم يكون عندك قصة تغيير أوسفر أو في حدا من المقربين والعيلة شاغلك وضعوا
ويمكن تزور عند شخص مقرب ببيتو في أمور عائلية مع الأهل والأخوة والجيران وبتشغلك قصة عقارية بتخص بيت وتصليحات .
عاطفياً: مو رايق ويبدو هاليوم في ضغط من المقربين وما عم يستقر وضعك وفكر بس كيف تحافظ على عاطفتك .
♏ توقعات برج العقرب
عندك عزيمة ولقاءات وقصة مشتركة مع أخ أو جار وكمان في بيع أو شراء سيارة أو موبايل عندك
ولازم تشتغل على قصص بالانترنت والسوشل ميديا ممكن تدعمك في اتصالات عم تزيد وسهرة .
عاطفياً: اطمن علاقاتك تمام وفي شي حلو وعم تقدر تكون مع الشريك وعندك الحضور والجمال والشريك عم يتواصل معك .
♐ توقعات برج القوس
استغل يومك لتنعزم وتسهر ويكون في مناسبة عم تحضرها وعم تزيد شهيتك عالأكل
وفي مشروع شغل أو قصة مالية عم تشتغل عليها وفكر باستقرارك ولا تنام وتتكاسل ويمكن مصروفك زايد ويمكن يجيك مبلغ.
عاطفياً: عندك عزيمة مع الشريك واطمن في أجواء حلوة ويبدو انك هاليوم عم تكون أقرب منو وفي هدية.
♑ توقعات برج الجدي
عم يكون في كتير قصص عم تتوضح عندك وتعرف مين معك ومين عليك وبتحس انك بأفضل حال
وخاصة انك عم تمتلك كتير من الحضور والطاقة لتبلش شغل وتنهي أمور عالقة وتعالج مرض كمان.
عاطفياً: أنت أفضل وفي عيون عليك وعم يكون يومك حلو وبتحس بأنو في حب جديد ممكن يبلش لكن بعيد عن الناس .
♒ توقعات برج الدلو
عم تدايق من أمور ما عم تمشي أو بسهرة أو بمناسبة بيحصل شي مابريحك
أو في صديق زاعجك وعم تحس بأنك رغم كترة الناس حولك ماحدا عم يكون منيح ومدايق بأمور الأهل والمقربين وصحياً.
عاطفياً: حاسس بمضايقات وبدك الشريك يهتم صح وبحبك بطريقة بعيدة عن الإهمال.
♓ توقعات برج الحوت
من الأيام يلي بتمنحك كتير من العلاقات الحلوة والأجواء الإيجابية يلي ممكن إنك تستفيد منها
وكمان عم تزيد شعبية وشهرة وعم تلفت نظر إلك وعم يكون عندك صداقات على مستوى وتحقيق لأمنيات كمان .
عاطفياً: كتير ناس معك وفي علاقات ويومك جيد مشان هيك استغل وضعك لأن عم يكون عندك جاذبية .
للاستماع الى برجك اليوم واغنيته المخصصة لليوم واهم توقعاته اضغط على الرابط التالي:
