برجك اليوم : التوقعات الفلكية ليوم الاحد 18 فبراير 2024
برجك اليوم مع الفلكي منيب الشيخ.
♈ توقعات برج الحمل
عم يكون يومك جيد وكتير ناس عم تتقرب منك وفي اجواء حلوة مع اخوة وجيران وكتير اتصالات
وقصة سيارة او موبايل وشهرة عبر السوشل ميديا وفي ناس عم تشوفها وتنعزم وتسهر سهرة حلوة
عاطفيا .. اطمن في علاقات كتير وانت افضل وفيك هاليوم تعزز علاقتك باتجاه الشريك وتحسن من وضعك العاطفي .
♉ توقعات برج الثور
عم يكون يوم جيد الك بشكل عام وعندك عزيمة وامور مالية وعم تدفع وتقبض وعم تفكر بمشروع شغل خاص فيك
و كيف بدك تحسن من وضعك المالي لان اخر فترة زاد المصروف عندك وراقب وزنك
عاطفيا .. هاليوم مدايق شوي ومو رايق ووضعك العاطفي ماكتير مستقر الا اذا بدك تشوف الشريك ويعزمك
♊ توقعات برج الجوزاء
عم يكون عندك تحسن كبير وعلاقات جديدة وتحسن وناس عم تدخل حياتك كمان وعم تحس هاليوم
انو كل الأبواب عم تنفتح الك واستغل يومك بكل شي حلو وعم تفكر بشي خارجي وعم يكون في افكار سفر .
عاطفيا .. يومك جيد وعندك الحب و اطمن لان الوضع العاطفي عم يكون كتير أفضل وفيك تبلش بعلاقة حب جديدة ..
♋ توقعات برج السرطان
ماعم تكون مرتاح وفي اشخاص عم تستغلك او قصص مال واوراق وقضايا قانونية عم تتأخر عليك
وحاول تنتبه من بعض الاشخاص ولازم تنتبه صحيا وماتتسرع بأي شي ويمكن في خسارة شخص
عاطفيا .. هاليوم هدي و حاول تروق هاليوم لان ممكن تنهي كل شي بكلمة غلط منك او من الشريك وفي عدم رضا
♌ توقعات برج الأسد
عم يكون وضعك جيد نسبيا وكتير اشخاص معك وفي شي مشترك مع صديق الك ومن الايام يلي عم يكون في عندك مشروع مشترك
وفي سهرة او مناسبة وهالشي بخفف من المشاكل وخليك رايق
عاطفيا .. عم يكون عندك فرص ارتباط وفي علاقات حلوة ووضعك افضل وعزز علاقتك بهدوء.
♍ توقعات برج العذراء
عندك بهيك يوم امور بتشغلك بتخص الأب ويمكن عم تبلش بعمل جديد كمان وعم تحس انك تحت الاضواء
ولازم تثبت حالك وماتقصر وتتعامل صح مع المسؤولين وعم تنشغل بأمور بتخص الأهل وفي حكي ناس
عاطفيا .. عم يكون وضعك متقلب وفي عندك نظرات اعجاب لكن انت بداخلك ماكتير مرتاح ولازم تخلي علاقتك بأمان
♎ توقعات برج الميزان
في عندك اجواء حلوة ويمكن شخص بعيد وجديد عم يتواصل معك ويدعمك وعم يكون هاليوم منيح
لتعمل شي جديد وتغير بشكلك وحياتك وتستفيد من حوالة مالية او هدية وتحرر من ضغط اشخاص
عاطفيا .. اطمن عم يكون يومك حلو وعندك قدرة تجذب الاشخاص الك وعندك تحرر كبير بخياراتك
♏ توقعات برج العقرب
وضعك نسبيا عم يشهد الفترة تحسن بهي ويمكن عم تصالح وتفكر بامور صحية او تعالج مرض بخصك
او بخص حدا مقرب وفي شي بخص عقار او ميراث شاغلك وفي اموال عم تنصرف على بيتك وخسارة شخص
عاطفيا .. وضعك جيد وعم يكون هاليوم أفضل بكتير وعندك فترة فيها حلول وبتدعمك لتعيش أجواء افضل.
♐ توقعات برج القوس
عم يكون عندك توتر بعلاقاتك ومنفعل نوعا ما ولازم تهدي الوضع وبدون مشاكل وخاصة مع الاخوة
وفي شي شاغلك ويمكن شراكة شغل او شغل بشركة سوشل ميديا او اعلام وكمان ممكن يعطل موبايلك او سيارة
عاطفيا .. عم تكون مو رايق وفي ضغط عليك والوضع عندك ماكتير مريح الك وخاصة انو الشريك عم يستفزك بتصرفاتو .
♑ توقعات برج الجدي
في عندك امور كتير لازم تخلصها وكتير التزامات ودراسة وحاول ترتب امورك صح وانتبه
كمان لصحتك بهيك يوم وعم يكون وضعك جيد لتبلش شغل ونظام غذائي وتبلش تهتم بوزنك وبلش رياضة
عاطفيا .. هدي ولا تتعب كتير وحاول تخلي وقت للشريك بهاليوم لأن ماعم تكون بحال منيح وبدك اهتمام أكبر.
♒ توقعات برج الدلو
يومك كتير افضل وعندك امور بتخص ابن او طفل او فرحة بحدا صغير بالعيلة وعم تحس كل شي عم يمشي متل مابدك
وفي عندك اوقات حلوة بتقضيها ويمكن مبلغ مالي وعم تستمتع بوقتك مع ناس غالية
عاطفيا .. استغل يومك واطمن بعد ايام صعبة عندك يوم في كل الحب ورومنسية واخبار حلوة وممكن خطبة او ارتباط
♓ توقعات برج الحوت
شاغلك هاليوم وضع عائلي او بخص الاهل او في تغيير مكان سكن او سفر وهدي الوضع
وخاصة بامور البيت والوضع المالي و في تصليحات ولازم تروق وتكون حكيم وانتبه من حكي المقربين وداري صحتك
عاطفيا .. هاليوم مو مرتاح وهاليوم عم يحملك ضغط بوضعك العاطفي مشان هيك بدك حلول وراحة بال .
للاستماع الى برجك اليوم واغنيته المخصصة لليوم واهم توقعاته اضغط على الرابط التالي:
