برجك اليوم : التوقعات الفلكية ليوم الاثنين 29 ابريل 2024

برجك اليوم مع الفلكي منيب الشيخ.

♈ توقعات برج الحمل

صباحا علاقات حلوة وتواصل وناس جديدة ونجاح دراسي وقصة سفر زمن الضهر شاغلك أمور بتخص الأهل

والاب خاصة وفي شوية ضغط من المسؤولين عليك ولازم تهدي وماتخالف القوانين وفي شغل ..

عاطفياً.. عم يكون بداية يومك حلوة وعندك حضور حلو وحاذبيتك عالية ويومك جيد وبتحصل على كتير نظرات اعجاب

♉ توقعات برج الثور

بلاش يومك بأوراق وقضايا بتحلها وقصص ميراث ومال وحلول ومن الضهر بتحس انك أفضل بكتير

وعندك فرص لتسافر وتنجح وتصل وتعمل شي جديد وتغير بحياتك وشكلك وكمان عم تتحسن أمورك المالية .

عاطفياً..في مصالحة ووضعك أفضل وفي خيارات حلوة واطمن الوضع العاطفي عم يكون عندك أفضل وفي حلول وحسم..

♊ توقعات برج الجوزاء

عم يبلش يومك بعقد شراكة أو شغل ضمن شركة أو بمؤسسة وانتبه من المشاكل ومن الضهر بتسترجع علاقات عندك

وعم تحس براحة وتخلص من مشاكل لازمتك وتعبتك وممكن احلام تتحقق وانتبه من خسارة ..

عاطفياً..هدي صباحاً ومن الضهر في حب كبير وعم تكون قوي بالعاطفة وفي عندك رغبة كبيرة بانك تكون مع الشريك ..

♋ توقعات برج السرطان

عم يكون يوم طويل وحافل وبدايتو فيها شغل جديد وقصص كتير وأمور صحية ومن الضهر عندك عزيمة أو مناسبة

وهالشي عم يخليك متوتر وحاول تروق وفكر بشراكة شغل أو شغل ضمن شركة وانتبه..

عاطفياً..بدك اهتمام وضايج شوي وعم يدايقك الشريك مشان هيك هدي وانتبه لعلاقاتك العاطفية هاليوم..

♌ توقعات برج الأسد

عم يبلش يومك حلو وفي أمور بتمشي لصالحك وبتقابل ناس غالية وفي قصة طفل ومن الضهر عندك كتير أمور

بين دراسة وشغل وتراكمات ومالازم تكون منفعل وشغل جديد وفي عزيمة ناطرتك وانتبه صحياً..

عاطفياً..صباحا حلو وعم يكون عندك علاقات وفي حب لكن عم تنشغل عن الشريك مشان هيك حاول توضح

♍ توقعات برج العذراء

عم يبلش يومك بمكان شغل جديد أو تغيير أو قصة سفر ومن الضهر عم تكون محور اهتمام كتير من الناس

وعندك فرص حلوة ومبلغ مالي من حوالة وعم تحس انو في أجواء عائلية وقصص بتحبها عم تحصل

عاطفياً..استغل يومك وعزز علاقاتك واطمن عم تقضي وقت حلو وترجع علاقة وتصالح الشريك ..

♎ توقعات برج الميزان

عم يكون تواصلك حلو صباحا وفي شغل إعلامي أو بالسوشل ميديا وأمور أوراق ومع اخ ومن الضهر

عم تنشغل بأمور بتخص ميراث أو عقار أو أمور بيع وشراء او شي مشترك وعم تفكر بسفر وشي صحي

عاطفياً.استغل صباحاً ومن الضهر بتكون مو كتير رايق وحساس زيادة هاليوم وحاول تفصل مشاكلك عن حبك

♏ توقعات برج العقرب

عندك حب للنوم صباحا وخمول وشهيتك مفتوحة وبدك مين يعزمك على الفطور وانتبه ماليا

ومن الضهر بتحس انك اكتر نشاط وعم تتحرك وانتبه لأخ ومن الحوادث وأعطال موبايلك وفي نجاح

عاطفياً..عم يكون في عزيمة وعلاقات ويومك منيح مشان هيك حل مشاكلك واستغل هاليوم بعلاقات افضل واجواء إيجابية .

♐ توقعات برج القوس

بداية يومك غير شكل وعندك شغل جديد وقصة فيها خبر حلو صباحا ومن الضهر مو مرتاح

وفي شوية قصص ماعم تكمل وعم تحس طاقتك منخفضة هاليوم وبس بدك تنام وتاكل وفي أمور صحية ..

عاطفياً..استغل يومك وحافظ على حبك وروق وعندك علاقات وعم تكون أمورك جيدة نوعا ما ويمكن يكون عندك موعد وسهرة

♑ توقعات برج الجدي 

بداية يومك لازم تنتبه فيها لأن فيها أمور عم تتأجل وخيبة بشخص ومن الضهر عم تنبسط مع أشخاص بتحبها

وفي خبر حلو بخص حدا من عيلتك و كمان طاقتك بترتفع وفي مكاسب وحلول ورجعة ناس

عاطفياً..انتبه صباحا وكتيرحولك وعم يكون في أشخاص عم ترجع وفرص ارتباط

♒ توقعات برج الدلو

عم يكون يومك ببدايتو في تغييرات وعزيمة ولقاءات مع اصدقاء ومن الضهر ماعم تعرف ترتاح

ويبدو أنو مسؤوليات الأهل والعيلة والبيت ماعم تخليك بوضع جيد ويمكن سفر أو تغيير مكان شغل عندك

عاطفياً…عندك ناس عم ترجع وفي علاقات لكن خليها بعيدة عن الناس لتستمر وخاصة انو في توتر عندك..

♓ توقعات برج الحوت

عم يكون عندك شغل وشي مهم وأمور بالسوشل ميديا واالاعلام صباحا ومن الضهر عم تقابل اصدقاء الك

وفي كتير أصداء حلوة وأجواء اجتماعية عم تعيشها وفي قصة بتخص الأهل وسهرة ومناسبة ..

عاطفياً..عم تنبسط بمحبة الناس وكتير ناس حولك هاليوم وعم يكون الوضع منيح لتحل مشاكل علاقتك

للاستماع الى برجك اليوم واغنيته المخصصة لليوم واهم توقعاته اضغط على الرابط التالي:

راديو وبودكاست استجواب